ਸੁਪਰੀਮ ਕੋਰਟ ਨੇ ਇਸਕਾਨ ਬੈਂਗਲੁਰੂ ਅਤੇ ਮੁੰਬਈ ਵਿਚਲੇ ਝਗੜੇ ’ਚ ਸੁਣਾਇਆ ਫੈਸਲਾ

ਸੁਪਰੀਮ ਕੋਰਟ ਨੇ ਇਸਕਾਨ ਬੈਂਗਲੁਰੂ ਅਤੇ ਇਸਕਾਨ ਮੁੰਬਈ ਦਰਮਿਆਨ ਲੰਬੇ ਸਮੇਂ ਤੋਂ ਚੱਲ ਰਹੇ ਮਾਲਕੀ ਸੰਬੰਧੀ ਵਿਵਾਦ 'ਤੇ ਆਪਣਾ ਅੰਤਿਮ ਫੈਸਲਾ ਸੁਣਾ ਦਿੱਤਾ ਹੈ। ਜਸਟਿਸ ਅਭੈ ਐਸ. ਓਕੇ ਦੀ ਅਗਵਾਈ ਵਾਲੀ ਬੈਂਚ ਨੇ ਆਪਣੇ ਫੈਸਲੇ ਵਿੱਚ ਕਿਹਾ ਕਿ ਬੈਂਗਲੁਰੂ ਸਥਿਤ ਇਸਕਾਨ ਮੰਦਰ ਇੱਕ ਸੁਤੰਤਰ ਸੰਸਥਾ ਹੈ ਜੋ ਇਸਕਾਨ ਸੁਸਾਇਟੀ ਬੈਂਗਲੁਰੂ ਦੇ ਅਧੀਨ ਹੈ। ਕੋਰਟ ਨੇ ਕਰਨਾਟਕ ਹਾਈ ਕੋਰਟ ਦੇ ਉਸ ਪੁਰਾਣੇ ਫੈਸਲੇ ਨੂੰ ਰੱਦ ਕਰ ਦਿੱਤਾ ਜਿਸ ਵਿੱਚ ਮੰਨਿਆ ਗਿਆ ਸੀ ਕਿ ਇਹ ਮੰਦਰ ਮੁੰਬਈ ਸਥਿਤ ਇਸਕਾਨ ਸੁਸਾਇਟੀ ਦੀ ਮਲਕੀਅਤ ਵਿੱਚ ਹੈ। ਸੁਪਰੀਮ ਕੋਰਟ ਦੇ ਫੈਸਲੇ ਨੇ ਸਾਫ ਕਰ ਦਿੱਤਾ ਕਿ ਬੈਂਗਲੁਰੂ ਮੰਦਰ ਦੀ ਕਾਨੂੰਨੀ ਪਹਚਾਣ ਇਸਕਾਨ ਬੈਂਗਲੁਰੂ ਨਾਲ ਜੁੜੀ ਹੋਈ ਹੈ, ਨਾ ਕਿ ਮੁੰਬਈ ਵਾਲੀ ਇਕਾਈ ਨਾਲ। ਇਹ ਫੈਸਲਾ ਸੰਸਥਾ ਦੀ ਖੁਦਮੁਖਤਿਆਰੀ ਅਤੇ ਕਾਨੂੰਨੀ ਪਛਾਣ ਲਈ ਇਕ ਮਹੱਤਵਪੂਰਨ ਮੀਲ ਪੱਥਰ ਸਾਬਤ ਹੋਇਆ ਹੈ।